შაბათს, 8 მარტს, მართლმადიდებელი ეკლესიების მეთაურებმა პატივი მიაგეს განსვენებულ კონსტანტინეპოლელ პატრიარქებს, რომლებიც ყოვლადწმიდა ღვთისმშობლის მონასტერში (“ცხოველმყოფელი წყარო”) არიან დაკრძალულნი, საღამოს კი ძმური ტრაპეზი შედგა; ტრაპეზის შემდეგ ეკლესიის მეთაურებმა მიღებულ დოკუმენტებს ხელი მოაწერეს (იხ. ვიდეო 1 ვიდეო 2 ), ხოლო 9 მარტს, მართლმადიდებლობის ზეიმზე საზეიმოდ იქნება წაკითხული ასამბლეის გადაწყვეტილება.
სამწუხაროდ, მართლმადიდებლობის ზეიმზე გასამართ ლიტურგიას არ დაესწრება, საერთო დოკუმენტს ხელს არ მოაწერს და კრება ნაადრევად დატოვა ანტიოქიის ეკლესიის წარმომადგენლობამ, რადგან , როგორც ქვემოთ ორ ენაზე მოყვანილი ცნობა იუწყება, ვერ მოხერხდა ანტიოქიის ეკლესიის წარმომადგენლებსა და იერუსალიმის პატრიარქს შორის კონსესუსის მიღწევა.
ანტიოქიის ეკლესიის ოფიციალურ განცხადებაში ნათქვამია:
1. ანტიოქიის ეკლესიის მიერ მიღებულ იქნა გადაწყვეტილება მოხსნას საკუთარი დელეგაცია ეკლესიის მეთაურთა კრებიდან, რომელიც კონსტანტინეპოლში 5 დან 8 მარტამდე მიმდინარეობდა და თავი შეიკავოს შემაჯამელი დოკუმენტის ხელმოწერიდან სანამ კრიზისი არ მოგვარდება
2. დელეგაცია არ მიიღებს მონაწილეობას კვირას “მართლმადიდებლობის ზეიმზე” გასამართ საღვთო ლიტურგიაში, რათა ხაზი გაუსვას, რომ მართლმადიდებლური ერთიანობა ვერ გამოიხატება იმ ჩრდილქვეშ, როდესაც ერთი ეკლესია თავს ესხმის და – ეკლესიის საზღვრებს,მიუხედავად იმ შეთანხმებისა, რომელიც მსოფლიო პატრიარქის საქები ხელმძღვანელობით შედგა.
3. ეს საკითხი კიდევ ერთხელ განიხილება ანტიოქიის ეკლესიის წმიდა სინოდის მიერ ა.წ. 27 მარტს, რათა მიღებულ იქნას, ის ზომები, რომელსაც ეკლესია აუცილებელად ჩათვლის; დასასრულ ანტიოქიის ეკლესია მოუწოდებს და- მართლმადიდებელ ეკლესიათა წინამძღვრებს იმუშავონ ამ პრობლემის ეკლესიის კანონიკის ფარგლებში უმოკლეს ვადებში მოგვარებისათვის.”
სრული ტექსტი ინგლისურად:
http://www.pravmir.com/antioch-withdraws-synaxis-jerusalem-refuses-mediation/
ორიგინალი ტექსტი არაბულად:
ანტიოქიის მართლმადიდებლური ეკლესიასა და იერუსალიმის მართლმადიდებლური ეკლესიიებს შორის მთელი 2013 წლის განმავლობაში განიხილებოდა შექმნილი უთანხმობა რაც გამოიწვია იერუსალიმის საპატრიარქოს მიერ ყატარში დისპუტირებადი ეპარქიის გახნამ, რომელსაც ანტიოქია საკუთარ იურისდიქციულ ტერიტორიად მიიჩნევს, ყატარის პრობლემასთან დაწვრილებით ცნობებისათვის იხილეთ:
http://www.sedmitza.ru/text/4173767.html
http://www.sedmitza.ru/text/3832170.html
http://www.sedmitza.ru/text/3650472.html
კვიპროსის მართლმადიდებლური ეკლესიის მეთაურმა ქრიზოსტომოსმა უკვე შესთავაზა ორივე ეკლესიის წარმომადგენლობას, პრობლემის გადასჭრელად კუნძულ კვიპროსზე გაიმართოს დიალოგები.
წყაროების:
http://theorthodoxchurch.info
http://araborthodoxy.blogspot.fr
ფოტო საიტიდან: http://www.amen.gr/
მოამზადა სერგო ფარულავამ
P.S. ჩვენის მხრივ შევნიშნავთ, რომ ანტიოქიის ეკლესიის პროტესტი მიმართულია არა მომავალი მართლმადიდებელთა დიდი და საყოველთაო კრების მიმართ, არამედ მათ და იერუსალიმის საპატრიარქოს ადგილობრივ პრობლემასთანაა დაკავშირებული, რომელიც, იმედი გვაქვს, და – ეკლესიების ჩარევით მალე მოგვარდება
